拆解美容師、美容顧問有咩分別！入行又要咩條件？

Published on: 18-11-2022Workplace

Share with

唔知大家有冇經驗去過一啲大型或連鎖美容院，會留意到有唔同嘅職員去服務你呢？特別由一開始會有美容顧問為你選擇提供療程建議，之後去到真正幫你做美容嘅美容師都係唔同嘅人！咁究竟平時係美容院見到嘅美容師同美容顧問工作性質上會有咩分別？同埋入行門檻又係點？

延伸閱讀：2022職極搵工祕笈

【立即查看】：幫你搵到相關職位！

美容師同美容顧問原來各有各做？

一般而言，每間美容院入面都會分開美容顧問同美容師嚟處理客人嘅需要。

「美容顧問」，顧名思義就係擔當住顧問嘅角色。佢地需要第一身了解客人嘅需要，有機會需要親自為客人進行療程、向客人分析同講解唔同療程或美容儀器既相關資訊、或向客人推銷產品等，從而為佢地安排或提議適合嘅療程。作為美容顧問，需要充分了解所有療程同美容儀器嘅運作同效用，使客人相信並獲得最合身嘅服務同安排。

相關職位招聘中：SKINMAX 醫學美容師

而美容師相對嚟講就有啲分別，主要係落手落腳為客人做美容。基本工作範疇有：潔面、護膚、按摩、做機等。甚或乎會額外向客人提供一啲相關嘅皮膚保養同化妝等美容知識。通常美容師只係需要同美容顧問溝通好，按照計劃上所選擇嘅療程去為客人服務。

簡單而言，美容師係傾向於實際操作，而美容顧問就傾向於諮詢同診斷。

無論你係對美容業有興趣、想入行、定係已經不幸中過伏嘅女生們！推薦你地睇埋落去呀！

【立即查看】：幫你搵到相關職位！

美容師點入行？

先講新入職嘅美容師入行要求：學歷方面一般係中三或以上、擁有相關嘅美容課程認可絕對能大大提高美容師嘅晉升速度！當然作為美容師需要具備良好的溝通技巧，先可以同客人維持良好嘅關係。喺入讀美容課程前，一般都需要擁有ITEC/CIBTA/City & Guides二級美容訓練課程證書/文憑或同等學歷才可報讀更專業嘅美容課程。而坊間都有唔同嘅專業美容學校、資深美容業界人士教授嘅課程等，可以根據個人嘅興趣或晉升機會嚟選擇。想立足喺美容業，透過進修專業嘅美容知識同儲經驗絕對係呢一行穩陣嘅踏腳石！